នាព្រឹកថ្ងៃទី២១ ខែមីនា ឆ្នាំ២០២៥ លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា បានចូលរួមនិងថ្លែងសុន្ទរកថា គន្លឹះក្នុងវេទិកាកិច្ចសហប្រតិបត្តិការកម្ពុជា-ចិន ដែលរៀបចំឡើងដោយសម្ព័ន្ធភស្តុភារកម្មសកល ក្នុងគោលបំណងផ្សព្វផ្សាយអំពីសក្តានុពល និងកាលានុវត្តភាពវិនិយោគរបស់កម្ពុជា ជូនដល់សហគមន៍ធុរកិច្ចដែលមានមូលដ្ឋាននៅទីក្រុងសៀងហៃ ប្រទេសចិន។ លោក ស៊ុន ចាន់ថុល បានរំលេចអំពីសក្តានុពលវិជ្ជមាននានារបស់កម្ពុជា មានជាអាទិ៍ (១)សុខសន្តិភាព ស្ថិរភាពនយោបាយ (២) ស្ថានភាពម៉ាក្រូសេដ្ឋកិច្ចដែលមានលំនឹងវិជ្ជមាន (៣) កម្លាំងពលកម្មវ័យក្មេងប្រកបដោយថាមវន្ត និងបើកទូលាយទទួលយកការបណ្តុះបណ្តាលថ្មីៗ (៤) រាជរដ្ឋាភិបាលដែលគាំទ្រដល់វិស័យឯកជន (៥) របបវិនិយោគដែលមានភាពទាក់ទាញ បត់បែន និង អនុគ្រោះ (៦) ហេដ្ឋារចនាសម្ព័ន្ធអន្តរមធ្យោបាយ ដែលបាននិងកំពុងអភិវឌ្ឍ ឱ្យកាន់តែមានភាពតភ្ជាប់និងប្រទាក់ក្រឡា (៧) ទីតាំងភូមិសាស្ត្រដែលមានអំណោយផលខ្ពស់។ តាមរយៈវេទិកានេះ លោក ស៊ុន ចាន់ថុល បានបង្ហាញនូវសុទិដ្ឋិនិយមយ៉ាងមុតមាំថា វិនិយោគិននិងធុរជនដែលបានចូលរួមវេទិកាកិច្ចសហប្រតិបត្តិការកម្ពុជា-ចិននេះ នឹងពិនិត្យលទ្ធភាព និងឱកាសធ្វើការសិក្សាស្វែងយល់ដោយផ្ទាល់នៅកម្ពុជា ក៏ដូចជាផ្សព្វផ្សាយបន្តនូវបច្ចុប្បន្នភាពនៃបរិយាកាសវិនិយោគនៅកម្ពុជា ទៅកាន់សហគមន៍ធុរកិច្ចទីក្រុងសៀងហៃឱ្យកាន់តែទូលំទូលាយថែមមួយកម្រិតទៀត។ ក្នុងឱកាសនៃវេទិកាកិច្ចសហប្រតិបត្តិការកម្ពុជា-ចិន លិខិតសម្តែងបំណងស្តីពីកិច្ចសហប្រតិបត្តិការរៀបចំកម្មវិធីជំរុញនិងទាក់ទាញវិនិយោគ រវាងក្រុមប្រឹក្សាអភិវឌ្ឍន៍កម្ពុជានិងសម្ព័ន្ធភស្តុភារកម្មសកល ត្រូវបានចុះហត្ថលេខាក្រោមសក្ខីភាពរបស់លោក […]