របាយការណ៍អគ្គនាយកដ្ឋានសុវត្ថិភាពចរាចរណ៍ផ្លូវគោកបានបង្ហាញថា ក្នុងឆ្នាំ២០២៤ គ្រោះថ្នាក់ចរាចរណ៍កើតឡើងសរុប ២ ៨៤៤ លើក (យប់ ៥៧%) បណ្តាលឱ្យមនុស្សស្លាប់ ១ ៥០៩ នាក់ និងរបួស ៣ ៧២០ នាក់ ក្នុងនោះរបួសធ្ងន់ចំនួន ២ ២៧៣ នាក់។ ការបើកបរល្មើសល្បឿនកំណត់ជាកត្តាចម្បងដែលបង្កឱ្យមានគ្រោះថ្នាក់ចរាចរណ៍ ស្លាប់ និង របួស។ បើតាមរបាយការណ៍ មូលហេតុដែលបង្កគ្រោះថ្នាក់រួមមាន ការបើកបរល្មើសល្បឿន ៤១% មិនគោរពសិទ្ធិ ២៣% មិនប្រកាន់ស្តាំ ៩% ប្រជែងគ្រោះថ្នាក់ ៨% បត់គ្រោះថ្នាក់ ៨% ស្រវឹង ៤% កត្តាយាន ៤% មិនគោរពសញ្ញាចរាចរណ៍ ១% ងងុយគេងពេលបើកបរ ១% កត្តាផ្លូវថ្នល់ ១% និងកត្តាអាកាសធាតុ ១%។ បើធៀបនឹងឆ្នាំ២០២៣ គ្រោះថ្នាក់ចរាចរណ៍ក្នុងឆ្នាំ២០២៤ មានការថយចុះ ៤៧៣ លើក ស្មើនឹង ១៤% […]